Баромадкунандагон иброз доштанд, ки Низоми нафақа дар Ҷумҳурии Қазоқистон, ки ба воситаи 18 филиал, 171 маркази хизматрасонӣ ва 13 маркази хизматрасонии сайёр ба 2,5 миллион нафақагир хизматрасонӣ анҷом медиҳад, сиёсати иҷтимоӣ дар самти суғуртаи иҷтимоӣ ва таъминоти нафақаро дар қаламрави кишвар дар ҳамбастагӣ бо 5 вазорату идора, ба мисли Вазорати меҳнат ва ҳифзи иҷтимоии аҳолии Ҷумҳурии Қазоқистон, Маркази рушди захираҳои меҳнатӣ, Фонди давлатии суғуртаи иҷтимоӣ, Иттиҳодияи давлатии "Ҳукумат барои шаҳрвандон" ва Фонди ягонаи нафақаи захиравӣ ҳамоҳанг шуда, низоми давлатии суғуртаи иҷтимоӣ ва таъминоти нафақаро амалӣ менамоянд.
Вазорату идораҳои зикршуда байни худ оид ба пешбурди сиёсати давлатӣ дар соҳаи суғуртаи иқтимоӣ ва нафақа ҳамкории зичро ба роҳ монда, шаффофият, саривақтӣ ва дурустии пардохтҳо, инчунин, рақамикунонии хизматрасонии соҳаро барои аҳолӣ таъмин менамоянд.
Дар идома қайд гардид, ки Ҷумҳурии Қазоқистон барои расидан ба рақамикунонии соҳаи суғуртаи иҷтимоӣ ва нафақа солҳои зиёд барномаву консепсияҳои дарозмуҳлатро амалӣ намуда, дар натиҷа Низоми иттилоотии ягонаи суғуртаи иҷтимоӣ ва нафақаро роҳандозӣ намуд.
Агентии суғуртаи иҷтимоӣ ва нафақаи назди Ҳукумати Ҷумҳурии бо дастгирии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати кишвар барои татбиқи дурусти низоми рақамикунонии соҳаи суғуртаи иҷтимоӣ ва нафақа гомҳои муассир гузошта, ҷиҳати расидан ба ин ҳадафҳои гузошташуда роҳбарияти Агентӣ бо тамоми вазорату идораҳо, шарикони рушд ва дигар корхонаву ташкилотҳои дахлдори ватаниву хориҷӣ талошҳои хешро равона сохта истодааст.