Роҳбарият

ДИРЕКТОР

НАҶМУДИНОВ  Сафаралӣ  Махсудинович

Наҷмудинов Сафаралӣ Маҳсудинович 20 ноябри соли 1951 дар ноҳияи Восеъ  ба дунё омадааст. Миллаташ тоҷик, таҳсилоташ олӣ, соли 1973 Донишгоҳи давлатии Тоҷикистонро дар ихтисоси Иқтисодчӣ хатм намудааст.
Дар соли 2004 бо Ордени «Шараф» дараҷаи якум, соли 2006 бо нишони фахрии «Аълочии молияи Ҷумҳурии Тоҷикистон» ва соли 2011 бо медали Ҷашнии «20 солагии Истиқлолияти давлатии Тоҷикистон» сарфароз гардонида шудааст.

 

 Кор ва фаъолият:

Солҳои 1969-1973 -  Донишҷўи Донишгоҳи давлатии Тоҷикистон
Солҳои 1973-1982 - Муҳосиби калон - тафтишотчии шуъбаи молия, ҷонишини сардори шуъбаи молия, сардори шуъбаи молия- сармуҳосиби Саридораи ҳисоббарии Кумитаи давлатии омори Ҷумҳурии Тоҷикистон
Солҳои 1982-1992 -  Сардори шуъбаи назорату тафтишоти Идораи савдои Кумитаи иҷроияи шаҳри Душанбе
Солҳои 1992-1993 - Сардори Раёсати муҳосибот ва назорату тафтишоти Вазорати савдо ва захираҳои модии Ҷумҳурии Тоҷикистон
Солҳои 1993-2000 - Муовини Вазири савдо ва захираҳои моддии Ҷумҳурии Тоҷикистон, муовини раиси Кумитаи давлатии қарордод ва савдои Ҷумҳурии Тоҷикистон
Солҳои 2000-2013 - Вазири молияи Ҷумҳурии Тоҷикистон
Аз  январи соли 2014 - Директории Агентии суғуртаи иҷтимоӣ ва нафақаи назди ҳукумати Ҷумҳурии Тоҷикистон

Директори Агентӣ - Наҷмудинов Сафаралӣ Маҳсудинович иҷрои вазифаҳои зеринро таъмин менамояд:

  • иҷрои талаботи Конститутсияи (Сарқонуни) Ҷумҳурии Тоҷикистон, Фармонҳо ва Амрҳои Президенти Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳо ва фармоишҳои ҳукумати Ҷумҳурии Тоҷикистон, низомнома, қарорҳои  мушовара ва фармоишҳои Директори Агентӣ.
  • татбиқи сиёсати давлатии таъминоти иҷтимоӣ, суғуртаи давлатии  ҳатмӣ, ихтиёрии иҷтимоӣ ва нафақавӣ;
  • андешидани тадбирҳо ҷиҳати таъмини устувории молиявии низоми суғуртаи давлатии иҷтимоӣ ва ҳатмии нафақавӣ;
  • назорати иҷроиши буҷети Агентӣ;
  • таҳияи лоиҳаи қонунҳо ва дигар санадҳои меъёрии ҳуқуқӣ дар соҳаи таъминоти иҷтимоӣ, суғуртаи давлатии  иҷтимоӣ, ҳатмӣ ва ихтиёри иҷтимоӣ ва нафақавӣ;
  • барои ба тасвиб расонидан ва ба ҳукумати Ҷумҳурии Тоҷикистон пешниҳод намудани конвенсияҳо ва дигар санадҳои ҳуқуқии  байналмилалӣ оид ба соҳаи таъминоти иҷтимоӣ, суғуртаи давлатии ҳатмӣ, ихтиёрии иҷтимоӣ, нафақавӣ ва омода намудани маърўзаи ҳарсола оид ба иҷроиши муқаррароти конвенсияҳои батасвибрасида;
  • назорати маблағгузории саривақтии пардохти нафақаҳои касбӣ, меҳнатӣ, суғуртавӣ, андўхти нафақавӣ ва кўмакпулиҳо;
  • ба роҳ мондани ҳамкориҳо бо Ассотсиатсияҳои байналмилалии фондҳои иҷтимоӣ ва нафақавӣ ва дигар созмонҳои байналмилалӣ;
  • фаъолияти Агентӣ ва ҳайати мушовараи онро роҳбарӣ намуда, иҷроиши вазифаҳое, ки мутобиқи фармоиши мазкур ба зиммаи муовини якуми директор ва муовини директор вогузор карда шудааст, назорат ва талаб менамояд;
  • барои баррасӣ ба Президенти Ҷумҳурии Тоҷикистон ва ҳукумати Ҷумҳурии Тоҷикистон оид ба такмил додани сиёсати давлатӣ дар соҳаи суғуртаи давлатии иҷтимоӣ ва ҳатмии нафақавӣ таклифҳо пешниҳод менамояд;
  • сиёсати кадриро дар соҳаи суғуртаи давлатии иҷтимоӣ ва ҳатмии нафақавӣ татбиқ менамояд.
  • қабули шаҳрвандон ва баррасии муроҷиатҳои хаттӣ ва шифоҳии онҳо ва қабули қарорҳои дахлдор оид ба ҳалли онҳо;

Фаъолияти сохторҳои зерини дастгоҳи марказӣ ва ташкилотҳои тобеи Агентиро роҳбарӣ менамояд:

  • Раёсати таъмини сиёсати суғуртаи иҷтимоӣ ва нафақа;
  • Раёсати кадрҳо ва корҳои махсус;
  • Раёсати Агентии суғуртаи иҷтимоӣ ва нафақа дар  шаҳри Душанбе.

МУОВИНИ АВВАЛИ ДИРЕКТОР

odinaeva nazokatОДИНАЕВА Назокат Хайруллоевна

Одинаева Назокат Хайруллоевна  20 Январи соли 1965 дар шаҳри Душанбе бо дунё омадааст. Милаташ Тоҷик.
Таҳсилоташ олӣ, соли 1986 Донишгоҳи давлатии ба номи В.И Ленинро дар ихтисоси Иқтисодчӣ хатм кардааст.

 

Кор ва фаъолият:

Солҳои 1982-1986 - Донишҷўи Донишгоҳи давлатии Тоҷикистон  ба номи В.И.Ленин
Солҳои 1986-1987 - Иқтисодчии калони Шуъбаи корҳои мақомоти омори маҳали Раёсати омори марказии  РСС Тоҷикистон
Солҳои 1987-1988 - Иқтисодчии шуъбаи омори меҳнати Раёсати омори РСС Тоҷикистон
Солҳои 1988-1992 - Иқтисодчии шуъбаи омори меҳнати Кумитаи давлатии омори Ҷумҳурии Тоҷикистон
Солҳои 1992-1993 - Иқтисодчии дараҷаи дуюми шуъбаи омори шуғли аҳолии Кумитаи давлатии омори Ҷумҳурии Тоҷикистон
Солҳои 1993-1994 - Иқтисодчии дараҷаи якуми шуъбаи омори сохтмони Кумитаи давлатии омори Ҷумҳурии Тоҷикистон
Соли 1994 - Иқтисодчии пешбари Шуъбаи омори сохтмони Раёсати кули омори Милли Вазорати иқтисод ва ояндабинии Ҷумҳурии Тоҷикистон
Солҳои 1995-2001 - Муовини сардори Шуъбаи омори инвеститсияҳо дар сохтмони Агентии давлатии омори назди ҳукумати Ҷумҳурии Тоҷикистон
Солҳои 2001-2006 - Муовини сардори Шуъбаи омори иинвеститсияҳо дар сохтмони Кумитаи омори Ҷумҳурии Тоҷикистон
Соли 2006 - Мудири Шуъбаи омори инвеститсияҳо дар сохтмони Раёсати омори саноат ва инвиститсияҳо дар сохтмони шаҳри Душанбе
Солҳои 2006-2007 - Муовини Раиси Фонди ҳифзи иҷтимоии аҳолии назди ҳукумати Ҷумҳурии Тоҷикистон
Солҳои 2007-2014 - Муовини Директории Агентии давлатии суғуртаи иҷтимоӣ ва нафақаи назди Вазорати меҳнат ва ҳифзи иҷтимоии аҳолии Ҷумҳурии Тоҷикистон
Аз апрели соли 2014 - Муовини яаввали Директории Агентии суғуртаи иҷтимоӣ ва нафақаи назди  ҳукумати  Ҷумҳурии  Тоҷикистон

Муовини аввали директори Агентӣ - Одинаева Назокат Хайрулоевна иҷрои вазифаҳои зеринро таъмин намояд:

  • иҷрои талаботи Конститутсияи (Сарқонуни) Ҷумҳурии Тоҷикистон, Фармонҳо ва Амрҳои Президенти Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳо ва фармоишҳои ҳукумати Ҷумҳурии Тоҷикистон, низомнома, қарорҳои мушовара ва фармоишҳои Агентӣ.
  • ташкил ва пешбурди баҳисобгирии инфиродии ҳуқуқҳои иҷтимоӣ ва нафақавии шахсони суғурташуда дар низоми суғуртаи давлатии иҷтимоӣ ва ҳатмии нафақавӣ ;
  • таъиноти саривақтӣ, аз нав ҳисоб кардан, индексатсия ва пардохти нафақа, андўхти нафақавӣ ва кўмакпулиҳо;
  • назорати дурустии таъинот, аз нав ҳисоб кардан ва пардохт намудани саҳмҳои суғуртавӣ, ташкили кор ва андешидани чораҳо оид ба рўёнидан ва пардохти қарзҳои муҳлаташон гузашта;
  • ташкили кор ва кўмаки методӣ оид ба ҷамъоварӣ, баҳисобгирии саҳмҳои суғуртавӣ, таъинот аз нав ҳисоб кардан, пардохти нафақа, андўхти нафақавӣ ва кўмакпулиҳо;
  • пешниҳоди таклифҳо оид ба такмили низоми суғуртаи ҳатмии нафақавии касбӣ вобаста ба шароити махсуси меҳнат ва назорати истифодабарии рўйхати корҳое, ки ҳуқуқи ба нафақаи имтиёзнок баромаданро медиҳад;
  • иштирок дар таҳияи лоиҳаи қонунҳо ва дигар санадҳои меъёрии ҳуқуқӣ оид ба низоми суғуртаи ғайридавлатии нафақавӣ;
  • ҷорӣ намудани технологияи муосири иттилоотӣ дар фаъолияти дастгоҳи марказӣ ва ташкилотҳои тобеи Агентӣ;
  • маблағгузории пардохтҳо барои кўмакпулии бекорон ва дигар пардохтҳои иҷтимоӣ, ки қонуни Ҷумҳурии Тоҷикистон «Дар бораи суғуртаи давлатии иҷтимоӣ»  пешбинӣ намудааст;
  • қабули шаҳрвандон ва баррасии муроҷиатҳои хаттӣ ва шифоҳии онҳо ва қабули қарорҳои дахлдор оид ба ҳалли онҳо;
  • тибқи қонунгузории Ҷумҳурии Тоҷикистон таъин намудани кўмакпулиҳои иҷтимоӣ ба соҳибкорони инфиродӣ;
  • тибқи талаботи қонуни Ҷумҳурии Тоҷикистон «Дар бораи бақайдгирии давлатии шахсони ҳуқуқӣ ва соҳибкорони инфиродӣ» ба роҳ мондани ҳамкории иттилоотӣ бо мақомоти андоз оид ба масъалаҳои бақайдгирии шахсони ҳуқуқӣ ва соҳибкорони инфиродӣ (пардохти андози иҷтимоӣ, бақияпулиҳо ва барҳамдиҳӣ бо мақсади ба ҳисоб гирифтани ҳуқуқҳои иҷтимоӣ ва нафақавии шахсони суғурташуда, ҷиҳати таъин намудани пардохтҳои иҷтимоӣ );
  • тибқи қонунгузории Ҷумҳурии Тоҷикистон ба роҳ мондани корҳо оид ба пуррагардонӣ, нигоҳдорӣ, баҳисобгирӣ ва истифодаи ҳуҷҷатҳои баҳисобгирии инфиродӣ ва дигар ҳуҷҷатҳо, ки дар ҷараёни фаъолияти Агентӣ ҷамъ шудаанд;
  • ба роҳ мондани ҳамкориҳои байналмилалӣ дар соҳаи таъминоти иҷтимоӣ ва суғуртаи давлатии ҳатмӣ, ихтиёрии иҷтимоӣ ва нафақавӣ.

Фаъолияти сохторҳои зерини Дастгоҳои марказӣ ва сохторҳои тобеи Агентиро роҳбарӣ менамояд:

  • Раёсати таъинот ва назорати пардохти нафақа;
  • Раёсати танзими кўмакпулиҳои иҷтимоӣ ва нафақаҳои касбӣ;
  • Раёсати баҳисобгирии инфиродӣ ва нафақаи андўхтӣ
  • Раёсати технологияҳои иттилоотӣ;
  • Шӯъбаи сохтмон;
  • Раёсати Агентӣ дар вилояти Суғд;
  • Раёсат ва шуъбаҳои Агентӣ дар шаҳру ноҳияҳои тобеи ҷумҳурӣ;
  • Марказҳои минтақавии баҳисобгирии инфиродӣ дар шаҳрҳои Душанбе, Хуҷанд, Панҷакент, Истаравшан ва шаҳру ноҳияҳои тобеи ҷумҳурӣ.

МУОВИНИ  ДИРЕКТОР

fayzulloШАРИПОВ Файзулло Нематович

Шарипов файзулло Нематович 12 феврали соли 1966 дар ноҳияи Восеъ ба дунё омадааст. Милаташ Тоҷик таҳсилоташ олӣ  соли 1992 Донишкадаи давлатии омўзгории шаҳри Кӯлоб, соли 2003 Донишгоҳи давлатии Тоҷикистон.
Ихтисос - муалими забон ва адабиёти рус, молия ва қарз.

Кор ва фаъолият:
Солҳои  1984-1986 - Хизмат дар сафи Қувваҳои муссалаҳ
Солҳои  1986-1987 - Суратгири дараҷаи дуюми суратгирхонаи маҳаллаи 63–юми шаҳри Душанбе
Соли 1987 (04 – 08) - Коргари сехи Қаннодии шаҳри Кўлоб
Солҳои   1987-1989 - Донишҷўи Донишкадаи омўзгории шаҳри Кўлоб
Солҳои  1989-1992 - Муаллими забон ва адабиёти русӣ дар мактаби миёнаи №14-иноҳияи Қубодиён
Соли 1993 (02 – 09) - Мутахассиси ҳисобу тафтиши Раёсати Бонки давлатии амонатгузории «Амонатбонк»-и вилоятиХатлон
Солҳои  1993-1994 - Мутахассиси Шуъбаи Қарздиҳии Раёсати Бонки давлатии амонатгузории «Амонатбонк»-и вилоятиХатлон
Солҳои  1994-1996 - Сармутахассиси Шуъбаи Қарздиҳии Раёсати Бонки давлатии амонатгузории «Амонатбонк»-и вилоятиХатлон
Солҳои   1996-1999 - Мудири шуъбаи Амонатбонки №8363 ноҳияи Ҷиликули вилояти Хатлон
Солҳои   1999-2007 - Сардори Идораи Фонди ҳифзи иҷтимоии аҳолии вилояти Хатлон
Солҳои   2007-2008 - Сардори Раёсати Агентии давлатии суғуртаи иҷтимоӣ ва нафақаи назди Вазорати меҳнат ва ҳифзи иҷтимоии аҳолии Ҷумҳурии Тоҷикистон дар вилояти Хатлон
Солҳои 2008-2014 - Муовини директории Агентии давлатии суғуртаи иҷтимоӣ ва нафақаи назди Вазорати меҳнат ва ҳифзи иҷтимоии аҳолии Ҷумҳурии Тоҷикистон
Аз  декабри соли  2014 - Муовини Директории Агентии суғуртаи иҷтимоӣ ва нафақаи Назди ҳукумати Ҷумҳурии Тоҷикистон

Муовини директори Агентии суғуртаи иҷтимоӣ ва нафақаи назди ҳукумати Ҷумҳурии Тоҷикистон - Шарипов Файзулло Нематович иҷрои вазифаҳои зеринро таъмин менамояд:

  • иҷрои талаботи Конститутсияи (Сарқонуни) Ҷумҳурии Тоҷикистон, Фармонҳо ва Амрҳои Президенти Ҷумҳурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, қарорҳо ва фармоишҳои ҳукумати Ҷумҳурии Тоҷикистон, низомнома, қарорҳои  мушовара ва фармоишҳои Агентӣ.
  • иштирок дар амалӣ намудани сиёсати давлатӣ дар соҳаи таъминоти иҷтимоӣ, суғуртаи давлатии ҳатмӣ, ихтиёрии иҷтимоӣ ва нафақавӣ;
  • ташаккул ва иҷроиши буҷети суғуртаи иҷтимоӣ ва нафақа бо дарназардошти рушди соҳаҳои иқтисодиёт ва иҷтимоиёти Ҷумҳурии Тоҷикистон;
  • назорати ҷамъоварӣ, баҳисобгирӣ ва воридоти саривақтӣ ва пурраи саҳмҳои суғуртавӣ барои пардохти суғуртаи ҳатмии нафақавӣ ва нафақавии касбӣ;
  • маблағгузории саривақтии ҳамаи намудҳои пардохтҳои суғуртавӣ, ки қонунгузории Ҷумҳурии Тоҷикистон муқаррар намудааст;
  • иштирок дар таҳияи лоиҳаҳои қонунҳо ва дигар санадҳои меъёрии ҳуқуқӣ оид ба соҳаи таъминоти иҷтимоӣ, суғуртаи давлатии ҳатмӣ, ихтиёрии иҷтимоӣ ва нафақавӣ;
  • пешниҳоди таклифҳо ба ҳукумати Ҷумҳурии Тоҷикстон оид ба муқаррар намудани тарифҳои андози иҷтимоӣ ва саҳмҳои суғуртавӣ;
  • ҳисоббаробаркунии актуарӣ;
  • сармоякунонии маблағҳои Агентӣ, ҷойгиркунонии андухти нафақавӣ, саҳмҳо барои суғуртаи нафақавии касбӣ ва нигоҳ доштани маблағҳои муваққатан  озод, қоғазҳои қимматнок ва депозитҳо дар бонкҳои устувор ва босубот;
  • идоракунии оперативии маблағҳо ва амволи суғуртаи иҷтимоӣ ва ҳатмии нафақавӣ;
  • назорат ва санҷиши риояи қонунгузории Ҷумҳурии Тоҷикистон ва дигар санадҳои меъёрии ҳуқуқӣ оид ба соҳаи суғуртаи давлатии иҷтимоӣ ва ҳатмии нафақавӣ аз ҷониби суғуртакунандагон ва шахсони суғурташуда;
  • иштирок дар кори комиссияҳои барҳамдиҳӣ;
  • назорат ва ба роҳ мондани фаъолияти аудити дохилӣ дар дастгоҳи марказӣ ва дигар сохторҳои Агентӣ тибқи муқаррароти қонунгузории Ҷумҳурии Тоҷикистон;
  • мутобиқи тартиботи муқарраргардида пешбурди фаъолияти баҳисобгирии муҳосибӣ ва ҳисоботи оморӣ;
  • қабули шаҳрвандон ва барасии муроҷиатҳои хаттӣ ва шифоҳии онҳо ва қабули қарорҳои дахлдор оид ба ҳалли онҳо;
  • назорати татбиқи барномаҳои сармоягузорӣ, ки ба салоҳияти Агентӣ вобаста аст;
  • ташкили корҳо оид ба гузаронидани конференсияҳо, семинарҳо ва симпозиумҳои байналмилалӣ, курсҳои таълимӣ, татбиқи лоиҳаҳои мусоидати техникӣ дар соҳаи суғуртаи давлатии иҷтимоӣ ва ҳатмии нафақавӣ.
  • фароҳам овардани шароити мусоиди корӣ барои фаъолияти пурсамари дастгоҳи марказӣ ва ташкилотҳои тобеи Агентӣ;
  • омода намудани биноҳо ва иншоотҳои дастгоҳи марказӣ ва ташкилотҳои тобеи Агентӣ барои давраи зимистонгузаронӣ ва таъмини техникаи бехатарӣ ва зидди сухтор;

Фаъолияти сохторҳои зерини дастгоҳи марказӣ ва ташкилотҳои тобеи Агентиро роҳбарӣ менамояд:

  • Раёсати буҷети суғуртаи иҷтимоӣ ва ҳисоббарии актуарӣ:
  • Раёсати аудити дохилӣ ва назорати молиявӣ;
  • Раёсати молия ва муҳосиботи марказонидашуда;
  • Раёсати корҳо;
  • Шӯъбаи ҳуқуқ
  • Раёсати Агентӣ дар вилояти Хатлон;
  • Раёсати Агентӣ дар ВМКБ;
  • Марказҳои минтақавии баҳисобгирии инфиродӣ дар шаҳрҳои Хоруғ, Қурғонтепа, Кўлоб ва ноҳияи Ҷ.Румӣ.

Дополнительная информация