Қарори Ҳукумати ҶТ аз 3.08.2013, №344

6. Ташкили ҷамъоварии бойгонии ҳуҷҷатҳои баҳисобгирии инфиродӣ дар низоми суғуртаи ҳатмии нафақавӣ

§ 1. Ҷамъоварии бойгонии ҳуҷҷатҳои баҳисобгирии инфиродӣ

14. Ҷамъоварии бойгонии ҳуҷҷатҳои баҳисобгирии инфиродӣ- ин мунтазам пур кардани бойгонии ҳуҷҷатҳои аввалияи баҳисобгирии инфиродӣ ва ҳуҷҷатҳои электронии баҳисобгирии инфиродӣ, инчунин ҳуҷҷатҳои воҳидҳои сохтории муассисаи суғурта, суғуртакунандагон ва шахсони суғурташуда, ки манбаи ҷамъоварии бойгонии ҳуҷҷатҳои баҳисобгирии инфиродӣ маҳсуб меёбанд.
15. Ҷамъоварии бойгонии ҳуҷҷатҳои баҳисобгирии инфиродӣ дар бар мегирад:
- муайян намудани манбаъҳои ҷамъоварии бойгонии ҳуҷҷатҳои баҳисобгирии инфиродӣ;
- муайян намудани таркиби ҳуҷҷатҳои барои қабул ба бойгонии ҳуҷҷатҳои баҳисобгирии инфиродӣ тааллуқдошта;
- ташкили супоридани ҳуҷҷатҳо ба бойгонии ҳуҷҷатҳои баҳисобгирии инфиродӣ.

§ 2. Манбаъҳои ҷамъоварии бойгонии ҳуҷҷатҳои баҳисобгирии инфиродӣ

16. Манбаъҳои асосии ҷамъоварии бойгонии ҳуҷҷатҳои баҳисобгирии инфиродӣ инҳоянд:
- воҳидҳои сохтории муассисаи суғурта;
- суғуртакунандагон;
- шахсони суғурташуда;
- дигар мақомоти давлатӣ (Кумитаи андози назди Ҳукумати Ҷумҳурии Тоҷикистон, Вазорати корҳои хориҷии Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, шўъбаҳои сабти асноди ҳолати шаҳрванди (САҲШ), Агентии меҳнат ва шуғли аҳолӣ ва Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон ва ғайра) (қарори Ҳукумати ҶТ аз 5.11.2014 № 709).
17. Таркиби ҳуҷҷатҳое, ки бояд ба бойгонии ҳуҷҷатҳои баҳисобгирии инфиродӣ супорида шаванд.
18. Бойгонии ҳуҷҷатҳои баҳисобгирии инфиродӣ тибқи муқаррароти он бо ҳуҷҷатҳои аввалияи баҳисобгирии инфиродӣ, инчунин ҳуҷҷатҳое, ки барои таъин ва пардохти нафақа ва кўмакпулиҳо заруранд, пур карда мешавад.
19. Ба бойгонии ҳуҷҷатҳои баҳисобгирии инфиродӣ ҳуҷҷатҳои суғурташудагони қаблӣ, ҳуҷҷатҳои суғурташудагони аз нав ташкилшуда ва барҳамдодашуда, инчунин шахсони суғурташуда ва нафақахўрони фавтида супорида мешаванд.
20. Ҳуҷҷатҳои электронии баҳисобгирии инфиродӣ ба бойгонии ҳуҷҷатҳои баҳисобгирии инфиродӣ барои нигоҳдорӣ дар ҳайати фондҳои воҳидҳои сохтории зертобеъ - манбаъҳои ҷамъоварии бойгонии ҳуҷҷатҳои баҳисобгирии инфиродӣ супорида мешаванд.

§ 3. Тартиб додан ва ба расмият даровардани феҳристи ҳуҷҷатҳои аввалияи баҳисобгирии инфиродӣ

21. Барои таъмини ҷамъоварии бойгонии ҳуҷҷатҳои баҳисобгирии инфиродӣ дар тамоми ҳуҷҷатҳои аввалияи баҳисобгирии инфиродӣ аз ҷониби воҳидҳои сохтории зертобеи муассисаи суғурта феҳристи бойгонӣ ташкил дода мешавад. Феҳристи бойгонӣ (минбаъд - феҳрист) - ин маълумотдиҳандаи бойгонӣ, ки номгўи систематикунонидашудаи воҳидҳои нигоҳдории фонди бойгониро дар бар гирифта, барои баҳисобгирии онҳо ва кушодани мўҳтаво пешбинӣ гардидааст. Феҳристҳо алоҳида тартиб дода шуда, дар худ номгўи парвандаҳоро бо тартиби рақамгузории мустақил дар бар мегиранд.
22. Дар ҳар як воҳиди сохтории зертобеи муассисаи суғурта ҳар семоҳа таҳти роҳбарии бевоситаи методии бойгонии ҳуҷҷатҳои баҳисобгирии инфиродӣ феҳристҳо тартиб дода мешаванд. Аз рўи ин феҳристҳо ҳуҷҷатҳои аввалияи баҳисобгирии инфиродӣ ба бойгонии ҳуҷҷатҳои баҳисобгирии инфиродӣ супорида мешаванд. Феҳристҳои ҳуҷҷатҳои аввалияи баҳисобгирии инфиродии воҳидҳои сохтории зертобеи муассисаи суғурта аз рўи шакли муқарраргардида дар се нусха тартиб дода шуда, ба бойгонии ҳуҷҷатҳои баҳисобгирии инфиродӣ пешниҳод мегарданд.

§ 4. Тартиби супоридани ҳуҷҷатҳои баҳисобгирии инфиродӣ ба бойгонии ҳуҷҷатҳои баҳисобгирии инфиродӣ

23. Воҳидҳои сохтории зертобеи муассисаи суғурта ҳамаи ҳуҷҷатҳои аввалияи баҳисобгирии инфиродиро на дертар аз як моҳ баъди қабул ва коркарди онҳо ба бойгонӣ месупоранд.
24. Супоридани ҳуҷҷатҳои баҳисобгирии инфиродӣ ба бойгонии ҳуҷҷатҳои баҳисобгирии инфиродӣ аз рўи ҷадвали аз ҷониби бойгонии ҳуҷҷатҳои баҳисобгирии инфиродӣ тартибдодашуда бо мувофиқаи роҳбарияти воҳидҳои сохтории зертобеи муассисаи суғурта ва бо тасдиқи сардори маркази минтакавии баҳисобгирии инфиродии муассисаи суғурта, амалӣ мегардад.
25. Ҳангоми супоридани ҳуҷҷатҳои баҳисобгирии инфиродӣ аз ҷониби воҳидҳои сохтории зертобеъ ба бойгонии ҳуҷҷатҳои баҳисобгирии инфиродӣ аз тарафи корманди бойгонии баҳисобгирии инфиродӣ ҷобаҷогузорӣ ва шумораи парвандаҳои ба рўйхат дохилкардашуда, санҷида мешавад. Ҳамаи камбудиҳои дар ташаккулёбӣ ва барасмиятдарории ҳуҷҷатҳои баҳисобгирии инфиродӣ ошкоргардидаро воҳидҳои сохтории зертобеи муассисаи суғурта ўҳдадоранд, бартараф намоянд. Ҳангоми мавҷуд набудани ҳуҷҷатҳои баҳисобгирии инфиродӣ маълумотномаи дахлдор тартиб дода мешавад.
26. Қабул кардани ҳуҷҷатҳои баҳисобгирии инфиродӣ оиди ҳар як суғуртакунанда аз ҷониби шахси масъули бойгонӣ (корманди махсус) дар ҳозири корманди воҳиди сохтории зертобеи муассисаи суғурта амалӣ карда мешавад. Дар ин ҳолат дар ҳар ду нусхаҳои феҳрист муқобили ҳар як ҳуҷҷати баҳисобгирии инфиродӣ оиди мавҷуд будани парванда қайд мегардад. Дар охири ҳар як нусхаи феҳрист бо рақам ва ба таври хаттӣ шумораи қабули ҳуҷҷатҳои баҳисобгирии инфиродӣ дар бойгонии ҳуҷҷатҳои баҳисобгирии инфиродӣ, вуҷуд надоштани рақами тартибии ҳуҷҷатҳои баҳисобгирии инфиродӣ, рўзи қабул ва супоридани ҳуҷҷатҳои баҳисобгирии инфиродӣ, инчунин имзои шахси масъули бойгонии ҳуҷҷатҳои баҳисобгирии инфиродӣ (корманди бойгонии ҳуҷҷатҳои баҳисобгирии инфиродӣ) ва шахси ҳуҷҷатҳои баҳисобгирии инфиродиро супорида, нишон дода мешавад.
27. Ҳуҷҷатҳои аввалияи баҳисобгирии инфиродӣ ба бойгонии ҳуҷҷатҳои баҳисобгирии инфиродӣ аз ҷониби кормандони воҳидҳои сохтории зертобеи муассисаи суғурта расонида мешавад.

§ 5. Тартиби супоридани ҳуҷҷатҳои электронии баҳисобгирии инфиродӣ ба бойгонии ҳуҷҷатҳои баҳисобгирии инфиродӣ

28. Тайёр намудани ҳуҷҷатҳои электронии баҳисобгирии инфиродӣ барои супоридан ба бойгонии ҳуҷҷатҳои баҳисобгирии инфиродӣ аз марҳилаҳои зерин иборат аст:
- санҷиши ҳолати воқеии ҳомилҳои мошинии барои супоридан ба бойгонии ҳуҷҷатҳои баҳисобгирии инфиродӣ пешбинишуда;
- сабти ҳуҷҷатҳои баҳисобгирии инфиродии электронӣ дар ҳомили иттилоот;
- санҷиши сифати сабт;
- тавсифи ҳуҷҷатҳои электронии баҳисобгирии инфиродӣ;
- гузоштани рамзҳои бойгонӣ ба воҳидҳои нигоҳдорӣ (дар ҷузвдонҳо) тибқи рўйхати ҳуҷҷатҳои электронии баҳисобгирии инфиродии нигоҳдории доимӣ:
- тайёр намудани маҷмўи ҳуҷҷатгузории ирсолшаванда.