Қарори Ҳукумати ҶТ аз 3.08.2013, №344

§ 2. Ташкили гузаронидани ташхиси арзиши ҳуҷҷатҳо

164. Батартибандозии дақиқи технологияи нобуд кардани ҳуҷҷатҳо, парвандаҳо ва ҳомилҳои иттилоот, алалхусус барои роҳ надодани ҳар гуна имкониятҳои гум кардани ҳуҷҷатҳо, иваз кардани ҳуҷҷатҳое, ки барои нобуд кардан, нобуд кардани нопурра ва аз нав барқароркунии матн ва пешгирии дигар хатарҳо барои иттилооти махфӣ равона шудааст.
165. Ташхиси арзиши ҳуҷҷатҳои баҳисобгирии инфиродӣ, дар бойгонии ҳуҷҷатҳои баҳисобгирии инфиродии Маркази минтақавии баҳисобгирии инфиродӣ, дар раванди омодагӣ ба супоридани парвандаҳо барои нобудсозӣ гузаронида мешавад.
166. Барои ташкили гузаронидани корҳо доир ба ташхиси арзиши ҳуҷҷатҳои баҳисобгирии инфиродӣ, интихоб ва омодагӣ барои ба нобудсозӣ супоридан, аз ҷумла ҳуҷҷатҳои чопӣ ва дигар ҳуҷҷатҳое, ки ҳангоми фаъолияти муассисаи суғурта ба вуҷуд омадааст комиссияи коршиносон ташкил дода мешавад.

§ 3. Тартиби гузаронидани ташхиси арзиши ҳуҷҷатҳои баҳисобгирии инфиродӣ

167. Ташхиси арзиши ҳуҷҷатҳои баҳисобгирии инфиродӣ ҳар сол аз ҷониби кормандони Маркази минтақавии баҳисобгирии инфиродӣ якҷоя бо комиссияи коршиносон анҷом дода мешавад.
168. Ҳангоми гузаронидани ташхиси арзиши ҳуҷҷатҳои баҳисобгирии инфиродӣ, дар бойгонии ҳуҷҷатҳои баҳисобгирии инфиродӣ интихоб ва ҷудо намудани парвандаҳо ҷиҳати нобудсозӣ барои солҳои гузаштае, ки мўҳлатҳои нигоҳдориашон гузаштаанд анҷом дода мешавад. Ҳамзамон, сифат ва пуррагии феҳристи парвандаҳои муассисаи суғурта ва дуруст муайян намудани мўҳлати нигоҳдории парвандаҳо санҷида мешаванд.
169. Интихоби ҳуҷҷатҳо бо роҳи дида баромадани варақбайъи парвандаҳо гузаронида мешавад. Интихоби ҳуҷҷатҳо барои нигоҳдорӣ ва нобудсозӣ танҳо дар асоси сарлавҳаҳо, роҳ дода намешавад.
170. Бойгонии ҳуҷҷатҳои баҳисобгирии инфиродӣ ташхиси арзиши ҳуҷҷатҳои баҳисобгирии инфиродиро ҳангоми интихоби онҳо барои нобудсозӣ, таҳти роҳбарии методии Раёсати баҳисобгирии инфиродӣ мегузаронад.

§ 4. Ба расмият даровардани натиҷаҳои ташхиси арзиши ҳуҷҷатҳои баҳисобгирии инфиродӣ

171. Аз рўи натиҷаҳои ташхиси арзиши ҳуҷҷатҳои баҳисобгирии инфиродӣ рўйхати парвандаҳои нигоҳдории доимӣ ва муваққатӣ (зиёда аз 10 сол) инчунин санадҳо оиди ҷудо намудан барои нобудсозии парвандаҳое, ки барои нигоҳдорӣ гузошта намешавад тартиб дода мешавад.
172. Дар бойгонии ҳуҷҷатҳои баҳисобгирии инфиродии вобаста аз меъёр ва ҳаҷми ҳуҷҷатҳои электронӣ рўйхати ҳуҷҷатҳои электронии нигоҳдории доимӣ тартиб дода мешавад.
173. Комиссияи коршиносон рўйхатҳои парвандаҳои нигоҳдории доимиро (аз ҷумла рўйхати парвандаҳои электронии ҳуҷҷатҳои баҳисобгирии инфиродиро) тасдиқ ва рўйхатҳои парвандаҳои нафақавиро мувофиқа менамоянд.
174. Рўйхатҳо ва санадҳои қайдшуда дар маҷлиси комиссияи коршиносон баррасӣ мешавад. Санадҳо ва рўйхатҳои маъқул донисташудаи комиссияи коршиносон аз ҷониби роҳбари Раёсати вилоятии муассисаи суғурта тасдиқ карда мешавад. Маркази минтақавии баҳисобгирии инфиродӣ танҳо баъд аз тасдиқи руйхатҳои парвандаҳои нигоҳдорандаи доимӣ ҳуқуқ дорад парвандаҳое, ки дар санади мазкур дохил шудаанд, нобуд созад.
175. Ҳуҷҷатҳое ба санад дохил карда мешаванд, агар мўҳлати пешбинишуда барои онҳо то 1 январ анҷом ёбад. Масалан, парвандаҳои анҷомёфта бо мўҳлати нигоҳдории сесола дар соли 2001 метавонанд ба санад, ки на пештар аз 1 январи соли 2005 тартиб дода шудаанд, дохил карда шаванд.
176. Бойгонии ҳуҷҷатҳои баҳисобгирии инфиродӣ интихоби дурусти парвандаҳои доимиро аз ташхис мегузаронад ва ҳангоми зарурат ҳуқуқ доранд талаб намоянд, ки ҳуҷҷатҳое, ки барои нигоҳдории муваққатӣ ё нобудсозӣ интихоб шудаанд ба рўйхати парвандаҳои нигоҳдории доимӣ дохил карда шаванд.
177. Парвандаҳое, ки бояд нобуд карда шаванд барои аз нав коркард шудан супорида мешаванд. Супоридани парвандаҳо аз рўи борхати қабул ва супоридан, ки дар он санаи супоридан, миқдори парвандаҳои супорандашуда ва вазни коғазҳои коғазкўҳнаҳо қайд карда шудааст, ба расмият дароварда мешавад.
178. Бор кардан ва барои коркард баровардан таҳти назорати корманди масъул барои таъмини амнияти ҳуҷҷатҳои бойгонии ҳуҷҷатҳои баҳисобгирии инфиродӣ, анҷом дода мешавад.

§ 5. Ҳайати комиссияи коршиносон

179. Бо мақсади гузаронидани арзёбии пурраи ҳуҷҷатҳои баҳисобгирии инфиродӣ, ки барои нобудсозӣ ҷудо шудаанд ба ҳайати комиссияи коршиносон кормандони зерин дохил карда мешаванд:
- сардори маркази минтақавии баҳисобгирии инфиродӣ;
- роҳбари бойгонии ҳуҷҷатҳои баҳисобгирии инфиродии маркази минтақавии баҳисобгирии инфиродӣ;
- сармуҳосиби Раёсати вилоятии муассисаи суғурта;
- намояндаи Раёсати баҳисобгирии инфиродии муассисаи суғурта;
- намояндаи Раёсати аудити дохили ва назорати ва молиявии муассисаи суғурта (қарори Ҳукумати ҶТ аз 5.11.2014 № 709);
- намояндаи Раёсати технологияҳои иттилоотии муассисаи суғурта.
180. Ҳайати комиссияи коршиносон ҳар сол бо фармони роҳбари муассисаи суғурта тасдиқ карда мешавад. Комиссияи коршиносон (КК) далели гузаштани мўҳлати нигоҳдории ҳуҷҷатҳоро муайян намуда, санад оиди ҷудо намудани ҳуҷҷатҳоро барои нобудсозӣ тартиб дода мувофиқи он ҳуҷҷатҳоро барои нобудсозӣ омода менамояд.
181. Комиссияи коршиносон бо фармони роҳбари муассисаи суғурта аз ҳисоби кормандони баландихтисос дар ҳайати на камтар аз се нафар таъсис дода мешавад. Ба ҳайати комиссияи коршиносони муассисаи суғурта бо тартиби ҳатмӣ роҳбари Маркази минтақавии баҳисобгирии инфиродӣ ё ин ки шахси масъули бойгонӣ дохил карда мешавад.
182. Раиси комиссияи коршиносон яке аз кормандони роҳбарикунандаи Дастгоҳи марказии муассисаи суғурта таъин карда мешавад, ки масъалаҳои соҳаи технологияҳои иттилоотӣ ё ин ки баҳисобгирии инфиродиро роҳбарӣ намояд.
183. Вазифаҳои асосии комиссияи коршиносон:
- ташкил ва гузаронидани ташхиси ҳарсолаи арзиши ҳуҷҷатҳои баҳисобгирии инфиродӣ дар сатҳи интихоб барои нобудсозӣ;
- баррасӣ ва барои тасдиқ ва мувофиқа пешниҳод намудани рўйхатҳои ҳуҷҷатҳои баҳисобгирии инфиродӣ, санадҳо оиди ҷудо намудани парвандаҳое, ки барои нобудсозӣ нигоҳ дошта намешаванд;
- омодагӣ ва ба баррасии комиссияи коршиносон пешниҳод намудани таклифҳо оиди тағйир додани мўҳлати нигоҳдории гурўҳи алоҳидаи ҳуҷҷатҳои баҳисобгирии инфиродӣ, ки аз рўи номгўй муқаррар шудааст ва доир ба муайян намудани мўҳлатҳои нигоҳдории ҳуҷҷатҳое, ки дар номгўйҳо ба назар гирифта нашудааст;
- ташкил ва гузаронидани ташхиси арзиши ҳуҷҷатҳои баҳисобгирии инфиродӣ барои сатҳи омодагии онҳо барои ба нобудсозӣ супоридан;
- иштирок дар таҳия ва баррасии лоиҳаи ҳуҷҷатҳои меъёрӣ ва методӣ доир ба масъалаҳои кор бо ҳуҷҷатҳои баҳисобгирии инфиродӣ.
184. Комиссияи коршиносон мувофиқи нақшаи корӣ ва ё аз рўи зарурат маҷлис мегузаронад. Дар маҷлиси комиссияи коршиносон протокол тартиб дода мешавад. Протокол аз ҷониби раис ва котиби комиссия ба имзо мерасад. Қарори комиссия баъд аз тасдиқи роҳбари Раёсати вилоятии муассисаи суғурта, мавриди амал қарор мегирад.
185. Протоколҳои комиссияи коршиносон, ки дорои қарор оиди маъқул донистани лоиҳаҳои навъи муқаррарӣ ва намунавии парвандаҳо мебошанд, оиди тағйири мўҳлатҳои нигоҳдории ҳуҷҷатҳо, ки аз рўи феҳристҳои ҳуҷҷатҳои муқаррарӣ ва идорӣ бо нишон додани мўҳлатҳои нигоҳдории онҳо муқаррар шудаанд, инчунин аз рўи феҳристи навъҳои муқаррарӣ ва намунавии парвандаҳо аз ҷониби роҳбари Раёсати вилоятии муассисаи суғурта танҳо баъд аз баррасии онҳо аз тарафи комиссияи коршиносони бойгонии дахлдори ҳуҷҷатҳои баҳисобгирии инфиродӣ тасдиқ карда мешавад.