Вобаста ба ин, бо мақсади татбиқи саривақтии Фармони Президенти Ҷумҳурии Тоҷикистон аз 13 январи соли 2022, No312 «Дар бораи тадбирҳо оид ба таҳкими сатҳи ҳифзи иҷтимоии аҳолӣ, зиёд намудани маоши хизматчиёни давлатӣ, кормандони ташкилотҳои буҷетӣ, нафақа ва стипендия» 29 марти соли 2022 таҳти раёсати Директори Агентӣ Давлатзода Дилмурод Ашӯрбек семинар баргузор гардид, ки дар он масъалаҳои вазифаҳои воҳидҳои сохторӣ оид ба аз 1 июли соли 2022 зиёд намудани андозаи нафақаҳои амалкунандаи ятимон ва ноболиғон, ки бе парастории падару модар мондаанд, барраси гардиданд.
Дар семинар маърӯзаи сардори Раёсати таъмини сиёсати суғуртаи иҷтимоӣ ва нафақа Вализода Д.А. «Дар бораи чораҳои татбиқи Фармони Президенти Ҷумҳурии Тоҷикистон аз 13 январи соли 2022 № 312» шунида шуда, ба иштирокчиёни семинар маводи зарурии иттилоотӣ, брошюраи тавсияҳои методӣ оид ба тартиби баланд бардоштани нафақа, инчунин вобаста ба саволхои додашудаи иштироккунандагони семинари омӯзишӣ посухҳои мушаххас гирифтанд.