Аз ҷониби Бонки Ҷаҳонӣ Анна Сухова, сармутахассиси ҳифзи иҷтимоӣ, Елена Виноградова, мушовири ҳифзи иҷтимоӣ, Солен Ружо сармутахассиси ҳифзи иҷтимоӣ, Тоҷидинов Шуҳрат, Шодиев Хуршед барномасози ҳифзи иҷтимоӣ ва Аскар Арзибаев тариқи онлайн ширкат карданд.
Дар суханронии ифтитоҳӣ директори Агентии Давлатзода Дилмурод Ашурбек ба Бонки ҷаҳонӣ барои ҳамкориҳои чандинсола ва дастгирии ислоҳот дар соҳаи суғуртаи иҷтимоӣ изҳори сипос намуданд.
Анна Сухова зимни суханронии худ қайд намуданд, ки барои эҳтиёҷоти Агентӣ аз ҷониби Бонки ҷаҳонӣ дар доираи лоиҳаи соҳаи тандурустӣ 500,0 ҳазор доллари ИМА ҷудо карда шуда, татбиқи он тавассути Маркази татбиқи лоиҳаҳои Вазорати тандурустии ва ҳифзи иҷтимоӣ аҳолии Ҷумҳурии Тоҷикистон дар нимсолаи якуми соли 2024 амалӣ карда мешавад.
Ҳадафи вохӯрӣ баррасии мушкилоти ҷории соҳаи суғуртаи иҷтимоӣ ва нафақа, муайян намудани самтҳои афзалиятноки лоиҳаи дар пешистодаи Бонки ҷаҳонӣ ва нақшаҳои минбаъда буд.
Дар рафти вохӯрӣ ҷонибҳо оид ба интихоби самтҳои лоиҳа, ташкил ва татбиқи он мубодилаи афкор намуданд. Гуфта шуд, ки татбиқи ин лоиҳа бояд дар ин самт оғози як лоиҳаи бузурги алоҳида бошад.
Дар мулоқот ҳамчунин масъалаҳои дигари мубрами рӯз, аз ҷумла равишҳо ба рақамикунонии соҳаи суғуртаи иҷтимоӣ баррасӣ гардид.
Вохӯрӣ дар рӯҳияи дӯстӣ, ҳамдигарфаҳмӣ ва муколамаи созанда баргузор гардид.
