Қарори Шӯрои Вазирони ҶТ аз 4.02.1994, №72

ШЎРОИ ВАЗИРОНИ ҶУМҲУРИИ ТОҶИКИСТОН
ҚАРОР

Дар хусуси тасдиқ намудани номгўи соҳаҳои мавсимии саноат, ки кор дар онҳо дар давоми мавсими пурра ҳамчун як соли собиқаи кор барои таъин кардани нафақа ҳисоб карда мешавад

Бо мақсади иҷрои моддаи 67 Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" Шўрои Вазирони Ҷумҳурии Тоҷикистон қарор мекунад:
1. Номгўи замимагардидаи соҳаҳои мавсимии саноат, ки кор дар онҳо дар давоми мавсими пурра ҳамчун як соли собиқаи кор барои таъин кардани нафақа ҳисоб карда мешавад, тасдиқ карда шавад.
2. Муқаррар карда шавад,  ки аз мавсими соли 1994 сар  карда кор дар давоми мавсими пурра дар корхонаҳои соҳаҳои мавсимии саноати хўроквори ва маҳсулотбарори ҳамчун як соли собиқаи  кор  барои  таъин кардани нафақа ҳисоб карда мешавад.

Раиси Шўрои Вазирони
Ҷумҳурии Тоҷикистон                                                                                 А. Самадов

Мудири Корҳои Шўрои Вазирони
Ҷумҳурии Тоҷикистон                                                                                 Р. Мирзоев

аз 4 феврали соли 1994 №72
ш. Душанбе

Бо қарори Шўрои Вазирони
Ҷумҳурии Тоҷикистон
аз 4 феврали соли 1994 № 72
тасдиқ карда шудааст

НОМГЎИ
соҳаҳои мавсимии саноат, ки кор дар онҳо дар давоми мавсими пурра ҳамчун як соли собиқаи кор барои таъин кардани нафақа ҳисоб карда мешавад

1. Кор дар корхонаҳои соҳаҳои мавсимии саноати  хўрокворӣ ва маҳсулотбарори:

1. Кор дар корхонаҳои соҳаи консервабарори.
2. Кор дар соҳаи тайёр кардани чўбу тахта:
а) тайёр кардани замин, коштан ва шинондани дарахтони  ҷангал, нигоҳубин кардан ба дарахтони ҷангал, кор дар ниҳолхонаҳои ҷангал.
3. Кор дар корхонаҳои соҳаҳои  мавсимии системаи  саноати  гўшту шир.

Қарори Шӯрои Вазирони ҶТ аз 29.06.1993, №312

ШЎРОИ ВАЗИРОНИ ҶУМҲУРИИ ТОҶИКИСТОН
ҚАРОР

«Дар бораи ҳифзи иҷтимоии шахсоне, ки баҳри ҳимояи сохти конститутсионии Ҷумҳурии Тоҷикистон дар амалиётҳои мусаллаҳона (низоъҳо) иштирок намуда, дар натиҷаи ин низоъҳо зарар дидаанд, инчунин аъзои оилаҳои шахсони мазкуре, ки парасторашонро аз даст додаанд»
(дар таҳрири қарорҳои Ҳукумати ҶТ аз 16.06.2001 сол №279 ва аз 25.10.2003 сол №482)

Бо мақсади ҳифзи иҷтимоии шахсоне, ки баҳри ҳимояи сохти конститутсионии Ҷумҳурии Тоҷикистон дар амалиётҳои мусаллаҳона (низоъҳо) иштирок намуда, дар натиҷаи ин низоъҳо зарар дидаанд, инчунин аъзои оилаҳои шахсоне мазкуре, парасторашонро аз даст додаанд, Шўрои Вазирони Ҷумҳурии Тоҷикистон  қ а р о р  м е к у н а д:
1. Шаҳрвандони Ҷумҳурии Тоҷикистон, ки ба ҳайати воҳидҳои низомӣ шомиланд, шахсони дар амалиётҳои мусаллаҳона (низоъҳо) баҳри ҳимояи сохти конститутсионии Ҷумҳурии Тоҷикистон иштироккарда ҳисоб меёбанд.
2. Шахсоне, ки баҳри ҳимояи сохти конститутсионии Ҷумҳурии Тоҷикистон дар амалиётҳои мусаллаҳона (низоъҳо) иштирок кардаанд, ба имтиёзҳои дар қонунгузори ҷорӣ барои иштирокчиёни ҷанг пешбинишуда, (ба  истиснои  имтиёз дар мавриди пардохти ҳаққи истифодаи гази табиӣ ва қувваи барқ) ҳуқуқ доранд.
3. Иштирокчиёни воҳидҳои низомӣ, ки дар натиҷаи ярадоршавӣ, контузия ё маибшавӣ ҳангоми ҳимояи сохти конститутсионии Ҷумҳурии Тоҷикистон маъюб шудаанд, ба имтиёзҳои дар қонунгузории ҷорӣ барои маъюбони ҷанг пешбинишуда ҳуқуқ доранд.
4. Аъзои оила шахси ҳалокгардида ё дар натиҷаи ярадоршавӣ, контузия ё маибшави ҳангоми ҳимояи сохти конститутсионии Ҷумҳурии Тоҷикистон фавтида ба имтиёзҳое, ки дар қонунгузории ҷорӣ барои оилаҳои хизматчиёни ҳарбии ҳангоми адои вазифаи хизмати ҳалокгардида пешбинӣ шудаанд (ба  истиснои  имтиёз дар мавриди пардохти ҳаққи истифодаи гази табиӣ ва қувваи барқ), ҳуқуқ доранд.
5. Иштирокчиёни воҳидҳои низоми, ки маъюб ё ҳалок гардидаанд ё ин ки дар натиҷаи ярадоршавӣ, контузия ё маибшавӣ ҳангоми сохти Конститутсионии Ҷумҳурии Тоҷикистон фавтидаанд, инчунин аъзои оилаҳои онҳо мувофиқи тартибу шартҳои бо қонунгузории ҷорӣ барои хизматчиёни хизмати ҳатмии ҳарбӣ пешбинишуда ба таъминоти нафақавӣ ҳуқуқ доранд.
6. Кумитаҳои иҷроияи Шўрои депутатҳои ҳалқ то 10 июли соли 1993 таҳти роҳбарии ҷонишинон раисони кумитаҳои иҷроияи шаҳру ноҳияҳо барои тартиб ва тасдиқ намудани рўйхати шахсоне, ки баҳри ҳимояи сохти конститусионии Ҷумҳурии Тоҷикистон дар ҳайати воҳидҳои низомӣ дар амалиётҳои мусаллаҳона (низоъҳо) иштирок карданд, комиссияҳоеро, ки ба ҳайати онҳо командирони саҳроии воҳидҳои низомии минтақаи дахлдор ё намояндагони мақомоти молия, ҳифзи иҷтимоӣ, мақомоти ҳифзи ҳуқуқ комиссаратҳои ҳарбӣ дохил мешаванд, таъсис диҳанд.
7. Вазорати меҳнат ва ҳифзи иҷтимоии аҳолии Ҷумҳурии Тоҷикистон:
- муайян намудани гурўҳи маъюбии иштироккунандагони воҳидҳои низомиро, ки дар натиҷаи ярадоршавӣ, контузия, маибшавӣ дар вақти амалиётҳои мусаллаҳона, ҳангоми ҳимояи сохти конститутсионии Ҷумҳурии Тоҷикистон маъюб гаштаанд, таъмин намояд:
- шахсони дар натиҷаи сабабҳои мазкур маъюбгашта ва аъзои оилаҳои шахсони мазкурро барои ба онҳо пешкаш намудани имтиёзҳои дар қонунгузории ҷорӣ пешбинишуда ба қайд гиранд;
- таъин ва пардохти нафақаро мувофиқи тартиб ва дар асоси шартҳои барои хизматчиёни хизмати ҳатмии ҳарбӣ пешбинишуда, таъмин намояд;
- додани шаҳодатномаҳои ҳуқуқи имтиёзҳо ва иштирокчиёни воҳидҳои низомӣ, ки дар натиҷаи ярадоршавӣ, контузия, маъюбшавӣ ҳангоми ҳимояи сохти конститутсионии Ҷумҳурии Тоҷикистон маъюб шудаанд, таъмин намояд;
- бо иштироки Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Вазорати молияи Ҷумҳурии Тоҷикистон ва Вазорати адлияи Ҷумҳурии Тоҷикистон то 1 августи соли 1993 дастуруламали ба кор бурдани қарори мазкурро таҳия намояд.
8. Вазорати мудофиаи Ҷумҳурии Тоҷикистон шаҳодатномаҳои намуди ягонаи иштрокчиёни воҳидҳои низомии ҳифзи сохти Конститусионии Ҷумҳурии Тоҷикистонро таҳия намуда, онҳоро тавассути комиссариатҳои ҳарбии маҳаллӣ, ҷои истиқомати шахсони мазкур мувофиқи рўйхате, ки комиссия тартиб додааст, диҳад.
9. Вазорати молияи Ҷумҳурии Тоҷикистон, маблаѓи заруриро дарьёфт намуда, бопултаъминкунии имтиёз ва таъминоти нафақаи муқарраршударо мувофиқи қарори мазкур аз ҳисоби маблаѓҳои пешбининамудаи қонунгузории ҷорӣ таъмин намояд.
10. Кумитаҳои иҷроияи вилоятҳо, шаҳру ноҳияҳо бо иштирокчиёни воҳидҳои низомии ҳифзи сохти конститутсионии Ҷумҳурии Тоҷикистон, ки ба фаъолияти соҳибкорӣ машѓуланд, ҳаматарафа мусоидат намоянд.
11. Ба муҳокимаи Раёсати Шўрои Олии Ҷумҳурии Тоҷикистон пешниҳод намудани лоиҳаи фармон дар бораи ба иштирокчиёни воҳидҳои низомии ҳифзи сохти конститутсионии Ҷумҳурии Тоҷикистон, ки манзил ва амволи рўзгорро аз даст додаанд, додани кредити имтиёзнок барои сохтмон, хариди хонаи истиқомати, иморатҳои рўи ҳавлӣ, барқарор намудани биноҳои вайронгашта, ба даст овардани амволи рўзѓор, чорво ва дигар мақсадҳо ба маблаѓи 120 ҳазор сўм ба мўҳлати 20 сол, бо бозгашти кредит аз соли чоруми он, муайян карда шавад.

 Раиси Шўрои Вазирони
 Ҷумҳурии Тоҷикистон                                                                                 А. Абдуллоҷонов

    Мудирияти корҳои Шўрои
Вазирони Ҷумҳурии Тоҷикистон                                                                    Р. Мирзоев
       ш. Душанбе
аз 29 июни соли 1993 № 312

Қарори Ҳукумати ҶТ аз 30.06.2007, №353

Ҳукумати Ҷумҳурии Тоҷикистон
ҚАРОР

Дар бораи масъалаҳои таъин намудани нафақа барои хизматҳои махсус дар назди Ҷумҳурии Тоҷикистон

Мутобиқи моддаи 118 Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:
1. Қоидаҳои таъин ва пардохт намудани нафақа барои хизматҳои махсус дар назди Ҷумҳурии Тоҷикистон тасдиқ карда шаванд (Замимаи 1).
2. Ҳайати Комиссияи Ҳукумати Ҷумҳурии Тоҷикистон оид ба таъин иамудани нафақа барои хизматҳои махсус дар назди Ҷумҳурии Тоҷикистон тасдиқ карда шавад (Замимаи 2).
3. Қарори Ҳукумати Ҷумҳурии Тоҷикистон аз 4 марти соли 2005 № 91 "Дар бораи тасдиқи Қоидаҳои таъини нафақа барои хизматҳои махсус дар назди Ҷумҳурии Тоҷикистон ва ҳайати Комиссияи Ҳукумати Ҷумҳурии Тоҷикистон оид ба таъин намудани нафақа барои хизматҳои махсус дар назди Ҷумҳурии Тоҷикистон" аз эътибор соқит дониста шавад.

Раиси
Ҳукумати Ҷумҳурии Тоҷикистон                                                                     Э. Раҳмонов
аз 30 июни соли 2007 № 353
ш. Душанбе

Замимаи 1
бо қарори Ҳукумати
Ҷумҳурии Тоҷикистон
аз 30 июни соли 2007 № 353
тасдиқ шудаанд

Қоидаҳои таъин ва пардохти нафақа барои хизматҳои махсус дар назди Ҷумҳурии Тоҷикистон
(қарори Ҳукумати ҶТ аз 1.10.07 № 516, аз 1.08.2008 № 392, аз 02.11.2013, № 514)

I . Муқаррароти умумӣ

1. Нафақаҳо барои хизматҳои махсус дар назди Ҷумҳурии Тоҷикистон ба шахсони зерин таъин карда мешаванд:
-ба хизматчиёни давлатии сиёсӣ ва хизматчиёни давлатии маъмурӣ, ки дар соҳаи фаъолияти давлатӣ хизматҳои бузург ва собиқаи бефосилаи кор дар хизмати давлатӣ (барои мардон 20 сол, барои занон 15 сол) дошта, бо мукофоти давлатӣ дар шакли орден, медал ё унвони фахрӣ сарфароз гардидаанд (қарори Ҳукумати ҶТ аз 1.10.07 № 516);
- ба дорандагони мукофоти олӣ унвони "Қаҳрамони Тоҷикистон";
- ба дорандагони орденҳои "Ситораи Президенти Тоҷикистон", "Зарринтоҷ", "Исмоили Сомонӣ";
- ба дорандагони як дараҷаи орденҳои дар боло зикргардида, ордени "Дўстӣ", "Спитамен", "Шараф" ва яке аз медалҳои "Хизмати шоиста", "Ҷасорат", "Шафқат" ва ё "Марзбони шуҷои Тоҷикистон";
- ба онҳое, ки дар соҳаи фаъолияти давлатӣ, хоҷагӣ ва ҷамъиятӣ дар соҳаи илм, техника, адабиёт, санъат ва варзиш хизматҳои бузургдошта, бо унвонҳои фахрии "Нависандаи (шоир)-и халқии Тоҷикистон", "Ҳунарпешаи халқии Тоҷикистон", "Ҳофизи халқии Тоҷикистон", "Рассоми халқии Тоҷикистон", "Арбоби илм ва техникаи Тоҷикистон", "Арбоби ҳунари Тоҷикистон", "Ҳунарпешаи шоистаи Тоҷикистон", "Корманди шоистаи Тоҷикистон", "Донори ифтихории Тоҷикистон" мукофотонида шуда бошанд (қарори Ҳукумати ҶТ аз 1.10.07 № 516);
-ба онҳое, ки дар соҳаи фаъолияти хоҷагӣ, ҷамъиятӣ, илм, техника, адабиёт, санъат ва варзиш хизматҳои бузург дошта, бо унвонҳои фахрии Иттиҳоди Шўравӣ (ИҶШС), РСС Тоҷикистон, (халқӣ, хизматнишондода), мукофотҳои давлатии Иттиҳоди Шўравӣ (ИҶШС) ва РСС Тоҷикистон сарфароз гардонида шудаанд (қарори Ҳукумати ҶТ аз 1.10.07 № 516);
- ба Қаҳрамонҳои Иттифоқи Советӣ ва меҳнати сотсиалистӣ, дорандагони орденҳо ва медалҳои Иттиҳоди Шўравӣ (ИҶШС), Ифтихорномаи Президиуми Совети Олии ИҶШС, Президиуми Совети Олии РСС Тоҷикистон, инчунин лауреатҳои мукофотҳои ленинӣ ва давлатии ИҶШС, лауреатҳои мукофотҳои давлатии РСС Тоҷикистон (қарори Ҳукумати ҶТ аз 1.10.07 № 516);
- ба иштирокчиёни Ҷанги Бузурги Ватанӣ ва шахсони ба онҳо баробаркардашуда, ки бо орден ва медалҳо барои корнамоиҳои ҷангӣ ва меҳнатӣ мукофотонида шудаанд (қарори Ҳукумати ҶТ аз 1.10.07 № 516).
Муайян намудани дараҷаи хизмат, ҳуқуқи шаҳрвандон ба гирифтани нафақа барои хизматҳои махсус дар назди Ҷумҳурии Тоҷикистон ва андозаи он ба салоҳияти Комиссияи Ҳукумати Ҷумҳурии Тоҷикистон оид ба муқаррар намудани нафақа барои хизматҳои махсус дар назди Ҷумҳурии Тоҷикистон дохил мешавад.

II. Шартҳо ва тартиби таъин намудани нафақа барои хизматҳои махсус дар назди Ҷумҳурии Тоҷикистон

2. Нафақа барои хизматҳои махсус дар назди Ҷумҳурии Тоҷикистон барои мардон аз синни 63 -солагӣ ва барои занҳо аз синни 58 - солагӣ ё дар ҳолатҳои дигаре, ки мувофиқи Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" нафақа таъин карда шудааст, муқаррар карда мешавад. Шахсоне, ки дар як вақт барои гирифтани нафақа барои хизматҳои махсус ва иловапулиҳо бо нафақаи таъингардида аз рўи мукофотҳои давлатӣ ҳуқуқ доранд, яке аз онҳоро интихоб менамоянд.
Андозаи нафақаҳо вобаста ба хизматҳои шахс ва дараҷаи аз даст додани қобилияти корияш, аз ҷоииби Комиссия метавонад аз 3 то 6 нишондиҳанда барои ҳисобҳо бо нигоҳ доштани иловапулиҳо ва баландшавии нафақаҳо, ки мувофиқи Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" таъин карда шудааст, зиёд карда мешавад (қарори Ҳукумати ҶТ аз 1.08.2008 № 392).
3. Дархостҳо дар бораи муқаррар намудани нафақа барои хизматҳои махсус дар назди Ҷумҳурии Тоҷикистон аз тарафи раисони ВМКБ, вилоятҳо, шаҳри Душанбе, шаҳрҳо ва ноҳияҳо, роҳбарони вазоратҳо, кумитаҳои давлатӣ ва идораҳо, мақомоти идораи ҷумҳурӣ, Академияи илмҳои Ҷумҳурии Тоҷикистон, Федератсияи иттифоқҳои касабаи мустақили Тоҷикистон, иттифоқи эҷодии Тоҷикистон ва Шўрои ветеранҳои Ҷумҳурии Тоҷикистон пешниҳод карда мешаванд (қарори Ҳукумати ҶТ аз 1.10.07 № 516).
Ба дархост бояд ҳуҷҷатҳои зерин замима карда шаванд:
- нусхаҳои аслии ҳуҷҷатҳои тасдиқкунандаи хизматҳои махсуси шахсе, ки барои ў нафақа дархост мешавад;
- варақаи шахсии баҳисобгирии кадрҳо, ки ташкилоти дархосткунанда тасдиқ кардааст ва тарҷумаи ҳоли ин шахс;
- нусхаи дафтарчаи меҳнатӣ;
- маълумотнома дар бораи музди меҳнат;
- маълумотнома дар бораи андозаи нафақаи меҳнатӣ аз рўи синну сол (маъюбӣ, барои хизмати дарозмуддат), ки шахси мазкур мегирад ё ҳуқуқи гирифтан дорад, бо нишон додани андозаи музди меҳнате, ки аз рўи он нафақа ҳисоб карда шудааст;
- маълумотнома аз ҷои истиқомат бо нишон додани нонхўрон;
- маълумотномаи хадамоти давлатии ташхиси тиббию иҷтимоӣ дар бораи маъюбӣ (барои шахсе, ки аз рўи маъюбӣ ба нафақа мебарояд);
- ду дона сурат (андозаи 3- 4)
4. Дархост оид ба таъин намудани нафақа барои хизматҳои махсус дар назди Ҷумҳурии Тоҷикистон аз тарафи Комиссия дар мўҳлати на камтар аз се мох, пас аз рўзи расидани ҳамаи ҳуҷҷатҳои зарурӣ баррасӣ мегардад. Қарори Комиссия дар бораи таъин намудани нафақа ё рад гардидани таъини он ниҳоӣ буда, на дертар аз 10 рўз пас аз қабулаш ба маълумоти ташкилоте, ки дархост пешниҳод кардааст, расонида мешавад. Дар сурати ба даст омадани маълумоти нав дар бораи хизматҳои шахсе, ки барояш нафақа дархост шуда буд, қарор дар бораи рад гардидани таъини нафақа метавонад аз тарафи Комиссия баррасӣ карда шавад.

5. Қарорҳои Комиссия дар бораи таъин ва зиёд намудани нафақа барои хизматҳои махсус дар назди Ҷумҳурии Тоҷикистон аз тарафи котиби Комиссияи Ҳукумати Ҷумҳурии Тоҷикистон оид ба муқаррар намудани нафақаҳо барои хизматҳои махсус дар назди Ҷумҳурии Тоҷикистон таҳия ва ба расмият дароварда мешавад.
6. Нафақаҳое, ки барои хизматҳои махсус дар назди Ҷумҳурии Тоҷикистон таъин гардидаанд, ҳангоми таљйир ёфтани нишондиҳанда барои ҳисобҳоаз тарафи мақомоти ҳифзи иҷтимоии аҳолии Ҷумҳурии Тоҷикистон бозҳисобӣ карда мешаванд (қарори Ҳукумати ҶТ аз 1.08.2008 № 392).
7. Ба шахсоне, ки нафақа барои хизматҳои махсус дар назди Ҷумҳурии Тоҷикистон таъин гардидааст, Вазорати меҳнат ва ҳифзи иҷтимоии аҳолии Ҷумҳурии Тоҷикистон шаҳодатномаҳои нафақа медиҳад (қарори Ҳукумати ҶТ аз 02.11.2013, № 514).
8. Маҳрумкунии нафақахўр аз нафақа барои хизматҳои махсус дар назди Ҷумҳурии Тоҷикистон дар ҳолати содир намудани ҷиноят ё дидаву дониста пешниҳод кардани маълумоти нодуруст, ки дар асоси онҳо нафақа таъин гардида аст, метавонад бо қарори мақоме, ки ин нафақаро таъин намуда буд, сурат гирад.

III. Тартиби пардохти нафақа барои хизматҳои махсус дар назди Ҷумҳурии Тоҷикистон

9. Нафақа барои хизматҳои махсус дар назди Ҷумҳурии Тоҷикистон ба нафақахўроне, ки кор мекунанд, сарфи назар аз андозаи маоши (даромади) мегирифтаашон, пурра пардохт карда мешавад.
10. Дар сурати вафоти шахсе, ки барои хизматҳои махсус дар назди Ҷумҳурии Тоҷикистон нафақа мегирифт, ба оилаи ў, ки камбизоат мебошад, тибқи тартиби муқаррарнамудаи қонунгузории Ҷумҳурии Тоҷикистон кўмакпулӣ барои дафн дода мешавад. Агар нафақахўрро шахсони аъзои оилаи ў набуда дафн карда бошанд, кўмакпулии мазкур ба онҳо дода мешавад (қарори Ҳукумати ҶТ аз 1.08.2008 № 392, аз 02.11.2013, № 514).
11. Маблаљҳои ҳисобкардашудаи нафақа барои хизматҳои махсус дар назди Ҷумҳурии Тоҷикистон, ки нафақахўрон бо ин ё он сабаб дар вақташ нагирифтаанд, барои давраи на бештар аз се соли пеш аз муроҷиат намудан барои гирифтани он пардохт карда мешаванд.
Маблаљҳои ин нафақа, ки нафақахўрон дар вақташ бо гуноҳи мақомоти ваколатдори давлатӣ оид ба таъминоти нафақа нагирифтаанд, барои давраи гузашта бе маҳдуд намудани мўҳлат пардохт карда мешаванд (қарори Ҳукумати ҶТ аз 02.11.2013, № 514).
12. Ба шахсоне, ки нафақа барои хизматҳои махсус дар назди Ҷумҳурии Тоҷикистон мегиранду дар хона-интернатҳо (пансионатҳо, марказҳои ҳудудӣ) барои пиронсолон ва маъюбон зиндагӣ мекунанд, фарқи байни нафақаи таъингардида ва арзиши нигоҳдорӣ дар хона-интернат, вале на камтар аз 25 фоизи нафақаҳои барои хизматҳои махсус дар назди Ҷумҳурии Тоҷикистон пардохта карда мешавад.
Агар дар таъминоти нафақахўри дар хона-интернат барои пиронсолону маъюбон истиқоматкунанда аъзои корношоями оила бошанд, барои як аъзои оила -25 фоиз, ду -33 фоиз, се ва зиёда аз он -50 фоизи нафақаи муқарраргардида дода мешавад. Дар ин маврид маблаљ дар байни онҳо баробар тақсим карда мешавад. Қисми боқимондаи нафақа љайр аз нигоҳ доштани арзиши нигоҳубин дар хона-интернат, вале на камтар аз 25 фоизи нафақаи муқарраргардида ба худи нафақахўр дода мешавад.
12. Ба гирандаи нафақа барои хизматҳои махсус дар назди Ҷумҳурии Тоҷикистон, дар сурати ба хориҷа барои истиқомати доимӣ рафтан, нафақаи 6 моҳи он пешакӣ пардохт карда мешавад.
IV. Имтиёзҳо барои шахсоне, ки ба онҳо нафақа барои хизматҳои махсус дар назди Ҷумҳурии Тоҷикистон муқаррар карда шудаанд
14. Нафақахўроне, ки барои хизматҳои махсус дар назди Ҷумҳурии Тоҷикистон нафақа мегиранд ва аъзои оилаи онҳо, ки якҷоя зиндагӣ мекунанд, 50 фоизи маблаљи истифодаи гармӣ, об ва канализатсияро пардохт менамоянд.
15. Шахсоне, ки барои хизматҳои махсус дар назди Ҷумҳурии Тоҷикистон нафақа мегиранд ва он аъзои оилаашон, ки дар таъминоти онҳо мебошанд, ҳуқуқи гирифтани ёрии ройгонӣ тиббӣ ва гузоштани ҳамаи намудҳои протезҳоро (ба љайр аз протезҳо аз металлҳои қиматбаҳо) дар муассисаҳои тандурустие, ки дар давраи кор (хизмат) ба онҳо хизмат мерасонанд, доранд.
16. Ба шахсоне, ки нафақа барои хизматҳои махсус дар назди Ҷумҳурии Тоҷикистон мегиранд, ҳуқуқ дода мешавад, ки дар ҳудуди ҷумҳурӣ соле як маротиба дар нақлиёти роҳи оҳан, дар ноҳияҳое, ки нақлиёти роҳи оҳан надоранд дар нақлиёти хавоӣ ва инчунин дар ҳудуди ноҳияи маъмурӣ ба таври доимӣ дар нақлиёти автомобилии (автобус, троллейбус,) наздишаҳрӣ, байнишаҳрӣ бо пешниҳоди дафтарчаи нафақа бепул рафту омад кунанд.
17. Ба шахсоне, ки нафақа барои хизматҳои махсус дар назди Ҷумҳурии Тоҷикистон мегиранд, дар ду сол як маротиба, дар асоси хулосаи муассисаи табобатӣ ба санатория ё истироҳатгоҳҳои Ҷумҳурии Тоҷикистон роҳхати бепул дода мешавад. Бо хоҳиши нафақахўр ба ивази роҳхат ба ў ба андозаи 20 нишондиҳанда барои ҳисобҳо кўмакпулӣ дода мешавад (қарори Ҳукумати ҶТ аз 1.08.2008 № 392).
18. Ҳуҷҷати тасдиқкунандаи ҳуқуқи гирифтани нафақа барои хизматҳои махсус дар назди Ҷумҳурии Тоҷикистон ва истифодаи имтиёзҳои муқаррарнамудаи Қоидаҳои мазкуршаҳодатномаи нафақа мебошад.
19. Тамоми хароҷоти пардохти нафақаҳо барои хизматҳои махсус дар назди Ҷумҳурии Тоҷикистон дар қисми маблаљҳои аз андозаи нафақаҳо аз рўи синну сол (аз рўи маъюбӣ, барои хизмати дарозмуддат) зиёдбуда ва додани имтиёзҳо аз ҳисоби маблаљҳои буҷети ҷумҳуриявӣ сурат мегирад.

Замимаи 2
Бо қарори Ҳукумати
Ҷумҳурии Тоҷикистон
аз 30 июни соли 2007 № 353
тасдиқ шудааст

Ҳайати Комиссияи Ҳукумати Ҷумҳурии Тоҷикистон оид ба муқаррар намудани нафақаҳо барои хизматҳои махсус дар назди Ҷумҳурии Тоҷикистон

Муовини Сарвазири Ҷумҳурии Тоҷикистон - Раиси Комиссия;
Котиби масъули Комиссияи Ҳукумати Ҷумҳурии Тоҷикистон оид ба муқаррар намудани нафақа барои хизматҳои махсус дар назди Ҷумҳурии Тоҷикистон.
Аъзои комиссия:
- Муовини Роҳбари Дастгоҳи иҷроияи Президенти Ҷумҳурии Тоҷикистон
- Вазири меҳнат ва ҳифзи иҷтимоии аҳолии Ҷумҳурии Тоҷикистон;
- Вазири тандурустии Ҷумҳурии Тоҷикистон
- Мушовири калони Президенти Ҷумҳурии Тоҷикистон оид ба рушди иҷтимоӣ ва робита бо ҷомеа
- Мудири Шўъбаи шуљл ва ҳифзи иҷтимоии аҳолии Дастгоҳи иҷроияи Президенти Ҷумҳурии Тоҷикистон
- Муовини Вазири молияи Ҷумҳурии Тоҷикистон
- Муовини Вазири адлияи Ҷумҳурии Тоҷикистон
- Раиси Федератсияи Иттифоқҳои касабаи мустақили Тоҷикистон
- Раиси Шўрои ветеранҳои Ҷумҳурии Тоҷикистон

Қарори Шӯрои Вазирони ҶТ аз 3.02.1994, №60

ШЎРОИ ВАЗИРОНИ ҶУМІУРИИ ТОҶИКИСТОН
ҚАРОР

Дар бораи тасдиқи номгўи ронандагони нақлиёти мусофиркаш ва боркаш, ки барои кори бо шароити махсуси меҳнат
алоқаманд буда, ба нафақаи имтиёзнок ҳақ доранд

Мувофиқи моддаи 12 Қонуни Ҷумҳурии Тоҷикистон "Дар бораи таъмини нафақаи шаҳрвандони  Ҷумҳурии Тоҷикистон"  Шўрои Вазирони  Ҷумҳурии Тоҷикистон қарор мекунад:
Номгўи замимашудаи ронандагони нақлиёти мусофиркаш ва боркаш, ки барои кори бо шароити махсуси меҳнат алоқаманд буда, ба нафақаи имтиёзнок ҳақ доранд, тасдиқ карда шавад.

Раиси Шўрои Вазирони
Ҷумҳурин Тоҷикистон                                                                              А. Самадов

Мудири Корҳои Шўрои Вазирони
Ҷумҳурии Тоҷикистон                                                                             Р. Мирзоев

аз 3 феврали соли 1994 №60
ш. Душанбе

Бо қарори Шўрои Вазирони
Ҷумҳурии Тоҷикистон
аз 3 феврали соли 1994 № 60
тасдиқ шудааст

НОМГЎИ
ронандаҳои нақлиёти мусофиркаш ва боркаш, ки барои кори бо шароити махсуси меҳнат алоқаманд буда,ба нафақаи имтиёзнок ҳақ доранд

1. Ронандаҳои нақлиёти мусофиркаши шаҳри (автобусҳо, троллейбусҳо).
2. Ронандаҳои нақлиёти боркаш, ки бо кашондани борҳои хоҷагии халқ ба ноҳияҳои баландкўҳ (бештар аз 2000 метр) машғуланд.