18 феврали соли 2025 дар дастгоҳи марказии Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар доираи Нақшаи омӯзиши идоравии хизматчиёни давлатии Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон барои соли 2025 дар мавзӯи «Тартиб ва шартҳои пардохти кӯмакпулиҳо ҳангоми корношоямии муваққатӣ, ҳомиладорию таваллуд ва кӯмакпулиҳои оилавӣ» ва дар мавзӯи «Қонуни Ҷумҳурии Тоҷикистон дар бораи баҳисобгирии инфиродӣ дар низоми суғуртаи ҳатмии нафақавӣ» омӯзиши назариявӣ дар ҳаҷми 1 (як) соат бо иштироки 27 нафар кормандони дастгоҳи марказӣ, Маркази минтақавии баҳисобгирии инфиродии Агентӣ ва Маркази минтақавии баҳисобгирии инфиродии дар ШНТҶ гузаронда шуд.

17 феврали соли 2025 дар бинои Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон вохӯрии роҳбарияти Агентӣ бо намояндагони Бонки Осиёии Рушд баргузор гардид.

Намояндагони Бонки Осиёии Рушд дар ҳайати Азиз Ҳайдаров роҳбари гурӯҳ оид ба маъмурикунонии лоиҳаҳо, Зебо Ҷалилова– мутахассис оид ба масъалаҳои кафолати таъминоти иҷтимоӣ, Иващенко Олексей – сармутахассис оид ба ҳифзи иҷтимоӣ ва шуғл иштирок доштанд.